ಚಹಾ

 ಚಹಾವು ಕುಡಿಯದೆ ಇರುವ ದಿನವೇ ಇಲ್ಲ ಎನ್ನಬಹುದು.ಚಹಾ ನಮ್ಮ ನಿತ್ಯ ಬದುಕಿನ ಅವಿಭಾಜ್ಯ ಅಂಗವಾಗಿ ಬಿಟ್ಟಿದೆ.ಚಹ ಎಲ್ಲರ ನೆಚ್ಚಿನ ಸಂಗಾತಿ.ಕೆಲವರ ಸಿಹಿ ಬದುಕಿನಿಂದಾಗಿ ಮಧುಮೇಹಕ್ಕೆ ಒಳಗಾದವರಿಗೂ ಚಹಾದ ನಂಟು ಬಿಡಲಾರದ್ದು.ಅವರು ಸಕ್ಕರೆಯಿಲ್ಲದ ಚಹಾ ಕುಡಿದಾದರೂ ತಮ್ಮ ಮತ್ತು ಚಹಾದ ಜೊತೆಗಿನ ಸಂಬಂಧದ ಕಡಿತವನ್ನು ಮಾಡಿಕೊಳ್ಳುವುದೇ ಇಲ್ಲ.
       ಚಹಾ ಕುಡಿಯೋಣ ಬರೀ., ಎಂಬ ಆತ್ಮಿಯ ಮಾತು ನಮ್ಮನ್ನು ಖುಷಿಗೊಳಿಸುತ್ತದೆ.ಅತಿಥಿಗಳ ಸತ್ಕಾರಕ್ಕೆ ಚಹಾವೇ ಮೊದಲು ಅರ್ಪಿತ.ಕೆಲವರು ಚಹಾ ನಿರಾಕರಿಸುತ್ತಾರೆ ಕಾರಣ ಅವರು  ಚಹಾದ ಸೋದರಿಯಾದ ಕಾಫಿಯನ್ನು ಬಹಳ ಇಷ್ಟಪಡುತ್ತಾರೆ."ಲೋಕೋ ಭಿನ್ನ ರುಚಿಃ"ಅಂತ ನಮ್ಮ ಪೂರ್ವಜರು ಹೇಳಿಲ್ಲವೇ?; ಚಹಾಕ್ಕಿಂತ ಬೇರೆ ಮೆಡಿಸಿನ್ ಇಲ್ಲ ಎಂದು ಹುಷಾರಿಲ್ಲದಾಗ ,ತಲೆನೋವಿದ್ದಾಗ ಹುಟ್ಟುವ ಗಾದೆಮಾತಿದು.
       ವಿದ್ಯಾರ್ಥಿಗಳು ಓದಲು ಆಗದೆ ಇದ್ದಾಗ   ಒಂದು ಸ್ಟ್ರಾಂಗ್ ಟೀ ಕುಡಿಯುವರೆಗೂ ಏಕಾಗ್ರತೆ ಬರಲ್ಲವೆಂದು ಸ್ವಲ್ಪ ವಿಶ್ರಾಂತಿ ಮನಸಿಗೆ ಜೊತೆಗೆ ತಲೆ ಚುರುಕಾಗಿ ಕೆಲಸ ಮಾಡಲು ಕಪ್ ನ ಹಬೆ ಆಘ್ರಾಣಿಸುತ್ತಾ ಗುಟುಕರಿಸುತ್ತೆವೆ. ಚಹಾ ನಮ್ಮ ಹತ್ತಿರದ ಸಂಗಾತಿಯಾಗಿ ಬದುಕಿನುದ್ದಕ್ಕೂ ಜೊತೆಯಾಗಿರುತ್ತೆ.ಹಾಲು ಇಲ್ಲದಾಗ ಕುಡಿಯುವ "ಡಿಕಾಕ್ಷನ್" ಚಹಾ ಆರೋಗ್ಯಕೆ ಒಳ್ಳೆಯದಂತೆ.ಹಾಗಾದರೆ ಇದನ್ನು ಓದಿದ ಮೇಲೆ ಒಂದ್ ಕಪ್ ಚಾ ಕುಡಿದು ಬಿಡಿ.
-ಹನುಮಂತ.ಮ.ದೇಶಕುಲಕರ್ಣಿ.
ಸಾ.ಭೋಗೇನಾಗರಕೊಪ್ಪ-581196 
ತಾ.ಕಲಘಟಗಿ ಜಿ.ಧಾರವಾಡ
ಮೊ.ನಂ.9731741397